ئەنجامى بەرایى سیمستەرى هاوینەى خوێندکارانى خوێندنى باڵا راگەیەندرا

بۆ سیمستەرى هاوینە زیاتر لە ٧٥٠ كه‌س بۆ خوێندنى باڵا له‌ زانكۆكانی هه‌رێم وه‌رگیران

 

 دواى ئەوەى وەزارەتى خوێندنى باڵاو توێژینەوەى زانستى لیژنه‌ی باڵای خوێندنی باڵا بڕیاریدا له‌مه‌ودوا پرۆسه‌ی خوێندنی باڵا/ماسته‌ر و دكتۆرا بكرێته‌ دوو سیمسته‌ر ( سیمسته‌ری زستانه‌ ، سیمسته‌ری هاوینه‌)، مانگى ڕابردوو دەرگاى پێشکەشکردنى بەڕوى خوازیاران بۆ سیمستەری هاوینە بەهەمان ڕێنمایی ژمارە (٤) بۆ ماستەر بۆ ساڵی خوێندنی (٢٠١٦-٢٠١٧) و، ڕێنمایی ژمارە (٥) بۆ دکتۆرابۆ ساڵی خوێندنی (٢٠١٦-٢٠١٧)ی سیمستەری زستانە خوازیارانی خوێندنی باڵا لە زانکۆکان کرایەوە.

لەو چوارچێوەیەدا و، بەپێیى پلانى پەسندکراو، زیاتر لە (١٠٠٠) کورسى خوێندن لە (١١) زانکۆ، بۆ ئەوەش دواى کردنەوەى دەرگاى پێشکەشکردن و ئەنجامدانى تاقیکردنەوەى توانستى زانستى، ژمارەیەکى زۆر بەشداریان لە تاقیکردنەوەکان کرد، بەگەیشتنى ناوەکان بەوەزارەتى خوێندنى باڵا و توێژینەوەى زانستى، پڕۆسەى وردبینى و پێداچونەوە بەناوەکان دەستیان پێکرد، بەوەش ئەنجامى بەرایى تاقیکردنەوەکانى توانستى خوێندنى باڵا/ ماستەر و دکتۆرا لە زانکۆکانى هەرێمى کوردستان  بۆ سیسمتەرى هاوینە  لە وەزارەت تەواو بوو، ناوەکانیش پەسند کران، کە بەهۆیەوە زیاتر لە (٧٥٠)كه‌س بۆ خوێندنى باڵا/ ماستەر و دکتۆرا لە زانکۆکان بۆ سیمستەرى هاوینە کاندیدکران.

بۆ ئەو مەبەستەش رۆژی ١٣-٦-٢٠١٧ وەزارەتى خوێندنى باڵا و توێژینەوەى زانستى بە(١١) نوسراوى جیا، ئاڕاستەى زانکۆکانى (سەڵاحەددین، سلێمانى، دهۆک، سۆران، هەولێرى پزیشکى، هەڵەبجە، چەرمو، پۆلیتەکنیکى سلێمانى، پۆلیتەکینکى دهۆک، پۆلیتەکنیکى هەولێر، ڕاپەڕین) کرد بۆ ئەوەى ئەنجامى بەرایى سیمستەرى هاوینە له‌ (وێب سایت)ی زانكۆكانیان بڵاوبكه‌نه‌وه‌ و،کارى پێویستیان بۆ ئەنجام بدەن.

 

هەروەک له‌ بڕگه‌یه‌كی دیكه‌ی ئه‌و  نووسراوانەدا هاتووه‌، ماوه‌ی (3) رۆژ بۆ سكاڵا و تانه‌گرتن دانراوە، دواتر له‌ڕێگه‌ی پێکهێنانى لیژنه‌یه‌كی تایبه‌ته‌وه‌ وردبینی بۆ سكاڵاكان بكرێت.


KISSR - Newsroom:  Jun 14 2017 01:36 AM / halkawt






نوێترين هەواڵ